Legenda:
Christian Kern, il schef da las Viasfiers federalas austriacas
Keystone
cuntegn
Exteriur - Austria ha sco i para in nov chancelier: Christian Kern
La decisiun en la dumonda dal chancelier nov en l’Austria è quasi crudada. Il schef da las Viasfiers federalas austriacas, Christian Kern, duai vegnir preschentà sco nov schef da partida ed uschia er schef da regenza.
8 da las 9 secziuns da la partida socialdemocratica SPÖ sustegnan il manager da 50 onns. Quai rapportan pliras medias austriacas. Ses concurrent Gerhard Zeiler, l'anteriur intendant da l'ORF, ha dà si sias ambiziuns, quai tenor atgnas indicaziuns. Il chancelier fin qua Werner Faymann era sa retratg glindesdi surprendentamain, en consequenza da critica ord l’atgna partida.
