Exteriur - Austria: Saiv al cunfin cun l'Ungaria è pronta
En l'Austria han las autoritads finì da preparar ina saiv al cunfin cun l'Ungaria. La finamira è che questa saiv da fin 100 km po vegnir construida en pauc temp. Quai sch'il dumber dals fugitivs crescha puspè marcantamain.
Legenda:
La saiv vegn pir construida sch'il dumber dals fugitivs crescha puspè marcantamain.
Keystone
Ins haja suttascrit contracts cun tschients da proprietaris da terren, rapportà l'agentura da novitads DPA sa referind a la direcziun da la polizia dal Burgenland. Ina gestiun dals cunfins severa è ina da las finamiras da la regenza austriaca. L'Austria vul quest onn acceptar maximalmain 37'500 persunas per la procedura d'asil.
