Legenda:
L'aviun militar da rauba è crudà en in champ datiers da la plazza aviatica da Sevilla.
Reuters
cuntegn
Exteriur - Aviun da rauba è crudà giu – 4 morts
Datiers da la plazza aviatica da Sevilla en Spagna è crudà giu in aviun da rauba. 4 persunas èn mortas. Tar l’aviun sa tracti d’in Airbus A400M, in aviun da rauba dal militar.
Legenda:
Airbus A400M
In aviun sco quel è crudà giu questa sonda datiers da la plazza aviatica a Sevilla.
Keystone
Apparentamain sajan pli paucas persunas che temì mortas. Sco che las forzas da salvament communitgeschan, sajan 4 commembers da la l'equipa morts. Duas ulteriuras persunas sajan grev blessadas. Il prim avevi gì num ch'enfin 10 persunas sajan mortas.
La maschina era partida per in sgol da test. Gist suenter il start è ella crudada giu per motivs anc betg enconuschents. L’aviun era anc en la fasa da test e n’era anc betg vegnì furnì a l’armada.
