Suenter l'attentat a Bagdad
-
Bild 1 von 6. Malencurada a Karada. Bildquelle: Keystone.
-
Bild 2 von 6. Hamza Jabbar (37) è in dals almain 213 morts tras l’attentat da la dumengia. Bildquelle: Keystone.
-
Bild 3 von 6. Tschients da persunas eran vi da far lur cumpras en las butias da Karada cura che la bumba è detunada in dumengia. Bildquelle: Keystone.
-
Bild 4 von 6. Il disctrict Karrada a Bagdad - . en 2 attentats en la chapitala iracaisa han pers almain 119 persunas lur vita. Passa 140 èn vegnidas blessadas. Bildquelle: Keystone.
-
Bild 5 von 6. Passa 200, tenor autras funtaunas passa 300 persunas, èn vegnidas blessadas. Bildquelle: Keystone.
-
Bild 6 von 6. Bagdad curt suenter l'attentat cun in camiun chargià cun material explosiv. Bildquelle: Keystone.
Il dumber da las unfrendas è vegnì curregì da 119 sin almain 213. Passa 200 ulteriuras èn vegnidas blessadas cura ch’in camiun cun ina chargia da material explosiv e detunà en il district da butias Karrada. Ils attentaders han attatgà las vias da Bagdad gest en quel mument cura ch’il mais da giginar tradiziunal , il ramadan è ì a fin. Perquai eran bleras persunas sin las vias vid il festegiar.
L’attentat vala sco il pli grev ch’è succedì quest onn a Bagdad. Dapi il favrer èn mortas 587 persunas tar 8 attatgas da suicidi, rapporta l'emettur BBC.
Ravgia sin la regenza
Tar sia visita al lieu d'attentat ha il primminister Haider Al-Abadi empermess da punir ils responsabels per l’attatga. Ils abitants èn dentant ravgentads da la regenza che na saja betg capabla d'impedir talas attatgas.
Stadi islamic è sa declerà responsabel
La milissa da terror Stadi islamic è sa declerada responsabla en la rait tar in dals 2 attentats. Ils ultims mais ha la gruppa stuì prender encunter sconfittas en l’Irac ed en Siria. Independent da quai controllescha il Stadi islamic inavant vastas parts dal pajais. La segund-gronda citad iracaisa, Mossul è anc adina en ils mauns dals dschihadists.
RR novitads 11:00