Legenda:
Ban Ki Moon fiss stà l'emprim secretari general da l'ONU sin visita en Corea dal Nord.
Keystone
cuntegn
Exteriur - Ban Ki Moon na vegn betg a visitar la Corea dal Nord
Las Naziuns Unidas refusan rapports da medias tenor ils quals il secretari general Ban Ki Moon vegnia a far ina visita en la Corea dal Nord l'emna proxima.
Ban vegnia a passentar l'emna che vegn gl'emprim a New York pli tard lura a Malta, quai communitgescha in pledader da las Naziuns Unidas. Ordavant aveva l'agentura da novitads statala da la China «Xinhua» rapportà ch'il secretari general da l'ONU vegnia a sgular per 4 dis a Pjöngjang.
Quai fiss stada l'emprima visita dad in secretari general da las Naziuns Unidas en la Corea dal Nord dapi passa 20 onns.