Legenda:
La banca centrala europeica ha sia sedia a Frankfurt en Germania.
Keystone
cuntegn
Exteriur - Banca centrala europeica vul dapli stabilitad
Las bancas en l’Europa ston adattar vinavant ils models da fatschenta. Quai communitgescha la banca centrala europeica en ses rapport tar la stabilitad finanziala da l’Europa.
I dettia adina dapli instituts da finanzas pitschens che surpiglian fatschentas da bancas senza avair ina licenza da banca, quai pudessi periclitar la stabilitad en la zona da l’euro, scrivan ils responsabels da la banca centrala.
Sfidas per las bancas europeicas sajan vinavant l’economia flaivla ed ils tschains bass. Tut en tut sajan las bancas europeicas dentant sin buna via, uschia la banca centrala europeica.