Las bancas en Grezia han avert la mesemna, ils 1 da fanadur, las portas per pensiunads. Dapi la bun’ura èn blers pensiunads stads en colonna per survegnir daners.
Las bancas greccas avevan pussibilità questa excepziun perquai che la gronda part dals pensiunads na posseda nagina carta dad EC u da credit. Sco medias greccas rapportan han radund milli filialas da bancas en l’entir pajais avert las portas enfin venderdi, ils 3 da fanadur.
