Ina cunvegna davart dal Brexit saja manaivla sch'i vegnia anc contractà intensiv fin al proxim inscunter da l'UE l'emna proxima. Quai ha ditg il schef-negoziader da l'UE Michel Barnier. En il medem mument ha el accentuà che la Gronda Britannia stoppia acceptar ch'ins controlleschia rauba da l'Irlanda dal Nord en ils ports da mar en Engalterra, Scozia e Wales. Quai saja necessari per impedir controllas da duana tranter l'Irlanda e l'Irlanda dal Nord.
La primministra britannica Theresa May renviescha fin ussa questa proposta.
RR novitads 06:00