La giustia beltga ha instradà cunter in’ulteriura persunas ina procedura penala che stat en connex cun las attatgas da terror a Paris ils 13 da november. L’um saja vegnì arrestà la gievgia, sco quai che la procura publica ha communitgà. Dapli infurmaziuns davart l’identitad dal suspectà n’ha ella dentant betg fatg.
Proceduras penalas cunter 6 persunas
En Belgia datti uschia proceduras penalas cunter 6 persunas che duessan avair in connex cun ils attentats a Paris avant duas emnas. Dus dals suspectads duessan avair conduì Salah Abdeslam, ch’era probablamain era da la partida tar ils attentats a Paris, cun l’auto enavos en la Belgia. Abdeslam è anc adina sin la fugia.
RR novitads 18:00