Exteriur - Blers morts e blessads suenter explosiun d'ina pipeline
Il dumber dals morts suenter l'explosiun d'ina lingia da benzin en il Mexico è s'augmentà sin 66 persunas. Almain 76 persunas sajan blessadas e vegnian tractadas en divers ospitals, ha communitgà il guvernatur via twitter.
Tenor rapports da medias eran pliras tschients persunas a la pipeline da benzin ed han empruvà da prender sprit ord ina rusna da la lingia cura che quella è explodida. La rusna è probabel l'emprova illegala da spinar la lingia da benzin. Daco ch'i ha dà l'explosiun n'è anc betg cler.
Il president mexican, Manuel Lopes Obrador, ha annunzià agid per ils pertutgads.