Il president brasilian Jair Bolsonaro ha declerà ch'el haja spustà in'operaziun sin fin schaner, per ch'el possia viagiar a Tavau. I sa tracta d'ina operaziun sco consequenza d'ina attatga brutala dals 6 da settember 2018 sin Bolsonaro. El era vegnì attatgà durant ina occurenza per il cumbat electoral en il sid da la Brasilia ed era vegnì blessà grevamain.
Suenter l'operaziun sto Bolsonaro ruassar per almain tschintg fin set dis en l'ospital. En tut sto Bolsonaro pausar per radund duas emnas.
RR novitads 10:00