Legenda:
Tar l'explosiun da «Deepwater Horizon» en l'avrigl 2010 avevan 11 lavurers pers lur vita.
Keystone
cuntegn
Exteriur - BP sto pajar 18,7 milliardas dollars
Il concern d'energia britannic BP sto pajar ina multa da 18,7 milliardas dollars. Quai sco indemnisaziun en connex cun l'explosiun da la plattafurma da perfuraziun «Deepwater Horizon» il 2010 en il Golf da Mexico.
Ins saja sa cunvegnì sin questa summa, sco il ministeri da giustia dals Stadis Unids communitgescha. BP dastga pajar la multa en etappas durant ils proxims 18 onns.
Las milliardas vegnan repartidas sin la regenza e 5 stadis ch'eran surtut pertutgads da l'ieli che ha tschufragnà lur rivas. I sa tracta dals stadis Alabama, Florida, Louisiana, Mississippi e Texas.
