Las forzas d’intervenziun hajan gidà var 200 persunas or da lur autos e bus, ha ditg in pledader dals pumpiers a Bulsaun. La glieud haja spetgà per part uras a la lunga tar temperaturas sut 0°C.
La damaun era ina lavina vegnida a val fin sin l’autostrada. En quel mument n’era però nagin auto sin il tschancun pertutgà. L'autostrada è vegnida serrada, è ussa però puspè averta.
RR novitads 10:00