-
Bild 1 von 10. Sydney fa festa cun il fieu artifizial sur il port. Bildquelle: Keystone.
-
Bild 2 von 10. A Seoul vegnan amaradas glischs da giavischs flottantas. Bildquelle: Keystone.
-
Bild 3 von 10. Countdown fin a l’onn 2019 a Beijing en la China. Bildquelle: Keystone.
-
Bild 4 von 10. Crettaivels a Bangkok festagian cun ina ceremonia speziala –. ellas ed els sa mettan en vaschels e s'auzan puspè or dad els per beneventar l'onn nov. Bildquelle: Keystone.
-
Bild 5 von 10. Fieu artifizial davant ils Petronas Towers a Kuala Lumpur en la Malaysia. Bildquelle: Keystone.
-
Bild 6 von 10. Giuvnas ad Amritsar en l’India festagian il 2019 cun dissegns sin la pel. Bildquelle: Keystone.
-
Bild 7 von 10. Dunnas budistas a Sri Lanka en ina ceremonia religiusa per beneventar in meglier onn. Bildquelle: Keystone.
-
Bild 8 von 10. Show da glisch ed aua avant il pli aut bajetg dal mund, il Burj Khalifa a Dubai. Bildquelle: Keystone.
-
Bild 9 von 10. Papa Francestg ura davant ina scena biblica –. quai suenter avair legì ina vesper en la baselgia San Peder en il Vatican. Bildquelle: Keystone.
-
Bild 10 von 10. Party a Berlin avant il Brandenburger Tor. Bildquelle: Keystone.
La metropola australiana da Sydney è be ina da bleras citads enturn il mund che beneventeschan l'onn nov tradiziunalmain cun in fieu artifizial.
Sydney fa ir per aria 8,5 tonnas material per ses fieu artifizial
Quai sajan anc 500 kilogramms dapli che l'onn passà, scriva l'agentura da novitads DPA. Per pudair giudair quellas miraclas da fieu e colur hajan ils aspectaturs pajà fin a 60 dollars.
Debatta pervi da fieus artifizials
En Germania fa quint la branscha da fieu artifizial er quest onn cun ina svieuta da radund 130 milliuns euro – quai malgrà ch'i dettia quest onn ina debatta davart il segn da fieus artifizials. En ina direcziun sumeglianta va la communicaziun da la Migros Aare ch'aveva annunzià da curt da betg pli vulair vender fieu artifizial.
Party da Silvester cur che nus mangiain gentar
Sche cun u senza fieu artifizial n'è betg enconuschent, cler è dentant, ch'els vegnan ad esser ils ultims a beneventar il 2019 – numnadamain ils abitants da l'insla Tutuila da la Samoa American. Els cumenzan il 2019 cur che nus en Svizra mangiain il gentar da Bumaun.
RR novitads 23:00