Legenda:
Donald Trump beneventa la decisiun da Kim Jong Un da smetter cun tests nuclears.
Keystone
cuntegn
Exteriur - «Buna novitad per la Corea dal Nord e per il mund»
Suenter l’annunzia da la Corea dal Nord da smetter da far tests nuclears e da rachetas datti differentas reacziuns. Il president american, Donald Trump ha ditg sin Twitter che quai saja ina buna novitad per la Corea dal Nord ed il mund.
Sper la reacziun da Donald Trump han era auters pajais reagì positiv. La China per exempel di che questa decisiun portia ruassaivladad sin la peninsla coreana. Era l’incumbensada da l’exteriur da l’UE Federica Mogherini ha discurrì d’in pass positiv. E la regenza britannica spera ch’i vegnia uss tar tractativas seriusas e confidenzialas.
Il schef da la regenza giapunaisa, Shinzo Abe ha ditg ch’i sa tractia dad in pass enavant – ma ins stoppia observar bain sche las armas nuclearas vegnan era propi destruidas tras quai.
