Legenda:
Il pli privlus saja la pulvra fina cun in diameter da main che 2,5 mikrometers, uschia ils scienziads.
Keystone
cuntegn
Exteriur - Bunamain mintga 6avel Chinais mora pervi d'aria impestada
L'impestaziun da l'aria en la China è daventada ils davos onns pli e pli privlusa per ils umans. Mintga di moran en media 4’000 persunas en la China perquai ch'ellas respiran aria impestada. Quai èn 17% da tut ils mortoris en il pajais.
A questa conclusiun vegn in studi da Berkeley Earth, ina gruppaziun da scienziads en ils Stadis Unids. Per passa mintga terz Chinais saja l'aria da respirar «nuschaivla» - tenor standards americans.
Las datas derivan da l'entir pajais. Las mesiraziuns èn vegnidas prendidas pauc sur terra, durant ils mais avrigl fin avust dal 2014.
