Ils ministers sperian sin quest temp da grazia per avair temp per las leschas necessarias sch'il parlament approvescha in contract da sortida. La primministra Theresa May s'inscuntra oz cun il president da la cumissiun da l'UE Jean Claude Juncker, per negoziar anc ina giada davart la cunvegna da Brexit.
Entant vegnia er examinà in sistem tecnic per tegnair avert il cunfin tranter l'Irlanda e l'Irlanda dal Nord, ha rapporta la gasetta «Sun». Cun in tal sistem pudessan controllas al cunfin vegnir evitadas.
RR novitads 08:00