Anc adina dovran automobilists en Baviera pazienza. Per part èn vias e tschertas lingias da viafier bloccadas. Vitiers èn vias serradas pervi dal privel da lavinas. E per ils proxims dis annunzian ils meteorologs tudestgs anc dapli naiv. Autoritads, pumpiers e forzas auxiliaras emprovian il decurs dal glindesdi da rumir la naiv e plantas crudadas per ch'il traffic public possia puspè circular sco usità.
Plirs morts – cunzunt pervi da lavinas
A Wackersberg en la Baviera Sura è ina persuna morta. Roma è crudada sin in skiunz da turas da 44 onns. Tenor las autoritads era el persul da viadi. Trais ulteriuras persunas èn mortas en lavinas en la regiun.
RR novitads 10:00