Legenda:
Persuenter duain las cassas socialas survegnir garanzias statalas.
Keystone
cuntegn
Exteriur - Cassas socialas greccas duain ad interim gidar il stadi
Perquai che la regenza grecca dovra urgentamain daners vul ella cuntanscher cun ina lescha che las assicuranzas socialas ed autras instituziuns statalas surlaschan ad interim lur facultads a la banca centrala. Quai communitgescha il ministeri da finanzas ad Athen.
Las assicuranzas e las instituziuns duain persuenter survegnir garanzias statalas. Tenor medias greccas quinta la regenza da survegnir cun questa mesira radund 2 milliardas euros.
A la Grezia smanatscha in bancrut statal. La fin da favrer han ils pajais da l'euro prolungà il program d'agid per 4 mais.
