Legenda:
Il nov president da la Catalugna, Carles Puigdemont, reveda il plan da termins per l'independenza suenter l'emprima seduta dal cabinet.
Keystone
cuntegn
Exteriur - Catalans ston spetgar pli ditg sin independenza
Il nov schef da la regenza catalana, Carles Puigdemont, ha concedì che l'independenza che la regiun vul da la Spagna dovria dapli temp che planisà.
Actualmain na dettia quai betg avunda sustegn en la populaziun per ina decleranza da separaziun unilaterala. Avant ch'i vegnia proclamà ina republica catalana, stoppia la populaziun approvar per referendum ina nova constituziun.
En il parlament actual han ils separatists ina pitschna maioritad. Tenor retschertgas vul dentant ina maioritad da la populaziun restar tar la Spagna. La regenza centrala spagnola renviescha ina separaziun da la Catalugna.
