La Gasetta da Basilea ha scuvrì quest cas e citescha documents da la surveglianza veterinara russa. Uschia hajan commerziants furnì l'onn 2014 e quest onn 1’800 tonnas charn-portg a la Russia sut l'etichetta ch'i sa tractia da charn producida en Svizra. 90 dals total 105 certificats veterinars sajan falsifitgads vegn confermà da vart svizra. L’Uffizi federal per la segirezza da victualias saja vegnì infurmà da las autoritads russas davart ils certificats falsifitgads. Danunder che la charn deriva ch’è vegnida furnida en Russia na saja betg enconuschent.
RR novitads 14:00