Siglir tar il cuntegn
mauns d'in uffant che tegnan si in placat per l'unitad da la Cipra
Legenda: Entaifer la zona controllada da l'ONU tranter nord e sid hai dà divers protests paschaivels per l'unitad. Keystone

Exteriur Cipra: Discurs per unir l'insla han fatg naufragi

Las tractativas a Crans Montana sajan idas a fin senza resultat. Quai malgrà che tut ils preschents sajan s'engaschads, uschia il secretari da las Naziuns Unidas, Antonio Guterres.

Dispitaivel è cunzunt stada la dumonda, sch'ils bun 35'000 schuldads tircs duajan restar en il nord da la Cipra. La Tirchia è sa mussada pronta da trair giu la gronda part dals schuldads. In contingent dueva dentant restar per la segirezza dals Cipriots tircs durant 15 onns sin l'insla. La Grezia è però da l'avis ch'in pajais da l'Uniun europeica na dovria nagina garanzia da segirtad d'in auter pajais.

La Cipra è dividida dapi il 1974, dapi in putsch da Cipriots grecs. Sinaquai aveva il militar tirc occupà la part en il nord da l'insla. Las stentas per chattar ina soluziun duran gia dapi onns.

RR novitads 06:00

Artitgels legids il pli savens