La Corea dal Nord veglia laschar tiers inspecziuns internaziunalas en ses implants atomars ed implants per testar rachetas. Quai ha ditg il minister da l'exteriur american, Mike Pompeo, in di suenter ses inscunter cun il potentat nordcorean Kim Jong Un. L'emprim stoppian las duas varts dentant anc s'accordar davart la logistica. Plinavant sajan la Corea dal nord ed ils Stadis Unids datiers da sa cunvegnir dals detagls per in segund inscunter tranter Kim ed il president american Donald Trump, ha ditg Pompeo.
RR novitads 09:00