-
Bild 1 von 5. L'imperatur Akihito e l'imperatura Michiko engrazian per ils buns giavischs tar l'anniversari dad 85 onns da l'imperatur dal Giapun. Bildquelle: Keystone.
-
Bild 2 von 5. L'imperatur Akihito e l'imperatura Michiko (mez), il successur prinzi ereditar Naruhito cun prinzessa Masako (san.) ed il segund fegl prinzi Akishino (dretg) e la prinzessa Akishino suenter il pled. Bildquelle: Keystone.
-
Bild 3 von 5. La fulla che gratulescha a l'imperatur avant il palaz imperial a Tokio. Bildquelle: Keystone.
-
Bild 4 von 5. l'imperatur Akihito è popular tras sias posiziuns pacifisticas, en cuntrast cun ses bab Hirohito. Bildquelle: Keystone.
-
Bild 5 von 5. Millis persunas sa radunan per gratular a lur imperatur partent Akihito sin ses 85avel anniversari. Bildquelle: Keystone.
En in pled emoziunal ha l'imperatur Akihito prendì cumià dals subdits – quai en l'ultim pled avant l'abdicaziun sin la fin d'avrigl. En ses pled da cumià ha el regurdà vid las «nundumbraivlas» unfrendas durant la Segunda Guerra mundiala. Per el saja dentant ina gronda consolaziun ch’il pajais na saja betg stà pertutga da guerra durant ses 30 onns sco imperatur. Quai ha'l ditg en ses pled cun chaschun dal 85avel anniversari. Millis persunas han fatg onur a l'imperatur Akihito avant il palast a Tokio.
L'imperatur ha era engrazià a sia dunna Michiko che saja adina stada da sia vart. Il 1959 è ella stada l'emprima dunna burgaisa ch'in imperatur giapunais ha maridà. Akihito è daventà popular cun sias posiziuns pacifisticas – cuntrari a la politica d’expansiun da ses bab ed antecessur Hirohito. Il prim da matg va lura ses fegl, il prinzi ereditari Naruhito, sin l'uschènumnà tron da crisantemas.
RR novitads 15:00