En il Mali han la regenza e las gruppas dals rebels suttascrit ina cunvegna da pasch, quai malgrà la violenza dals ultims dis.
La cunvegna duai surtut dar dapli autonomia al nord dal pajais vest-african.
Legenda:
Il president Ibrahim Boubakar è sa cunvegnì cun las gruppas dals rebels.
Keystone
Ils rebels perencunter s'obligheschan da renconuscher la suveranitad da la regenza dal president Ibrahim Boubakar. Ina da las pli impurtantas organisaziun da rebels n'ha però betg fatg part a la ceremonia.
Observaturs pensan perquai che l'entir plan saja uschia mess en dumonda. Las Naziuns Unidas e l'Uniun europeica han beneventà la cunvegna da pasch.
