Legenda:
Il Cussegl da segirezza da l'ONU.
Keystone
cuntegn
Exteriur - Cussegl da segirezza da l'ONU tracta crisa da fugitivs
La crisa da fugitivs en l'Europa, l'Africa ed il Proxim Orient occupescha er il Cussegl da segirezza da l'ONU. Il gremi vegnia anc quest mais a metter il tema sin la glista da tractandas, ha ditg l'ambassadur russ tar las Naziuns Unidas.
La Russia stat quest mais a la testa dal Cussegl da segirezza. I dat in sboz da resoluziun che prevesa da schlargiar las controllas en la Mar Mediterrana. Cun quai pudessan las forzas navalas internaziunalas tschertgar cuntrabandists directamain davant la costa da la Libia e betg mo en las auas internaziunalas.
