Legenda:
Registers duain tradir l'identitad da persunas davos constructs na-transparents sco firmas da stgaffa da brevs.
Keystone
cuntegn
Exteriur - D, F, I, E e GB cumbattan communablamain oasas fiscalas
Suenter las scuvertas dals «Panama Papers» han 5 pajais europeics lantschà in’iniziativa: La Germania, la Frantscha, l’Italia, la Spagna e la Gronda Britannia vulan augmentar il squitsch sin oasas fiscalas e praticas da lavar da daners.
Per quest intent duajan registers dad interpresas en l’entir mund mussar ils nums da las persunas che sa zuppan davos firmas da chascha da brevs ed ulteriurs constructs betg transparents. Ils registers duajan vegnir colliads ed uschia pussibilitar il barat d’infurmaziuns tranter ils pajais.
Questa iniziativa vulan ils 5 stadis preschentar a l'ur da la sessiun dal Fond monetar internaziunal a Washington, han communitgà ils 5 ministers da finanzas.
