Legenda:
La glieud fugia en il pajais vischinant Tansania.
Reuters
cuntegn
Exteriur - Dapli che 100’000 persunas dal Burundi sin fugia
En il Burundi han las revoltas chaschunà ina fugia en massa or dal pajais ost-african, quai communitgescha l'ovra da fugitivs da las Naziuns Unidas UNHCR.
Passa 105’000 persunas tschertgian suttetg en ils pajas vischins. La raschun per las revoltas è ch'il president Pierre Nkurunziza vul candidar per ina terza perioda d'uffizi, quai malgrà che quai cuntrafa a la constituziun. En consequenza ha quai dà protests da l'opposiziun ed in'emprova da putsch. Tar ils cravals violents èn mortas almain 25 persunas dapi la fin d'avrigl.
