Legenda:
Il terratrembel ha destruì e donnegià millis chasas.
Reuters
cuntegn
Exteriur - Dapli che 130’000 chasas destruidas
Suenter il grev terratrembel en il Nepal svaneschan las speranzas da chattar ulteriurs survivents. Las acziuns da tschertga e salvament giajan plaunsieu a fin communitgescha il biro per l'agid da catastrofas da las Naziuns Unidas.
La gievgia avevan ils gidanters anc pudì salvar dus survivents. Ussa saja la sfida da sutterrar ils morts e d'identifitgar ils sparids.
Tar il terratrembel da la sonda passada èn almain 6'200 persunas mortas. Almain 130’000 chasas sajan vegnidas destruidas cumplettamain, ulteriuras 85’000 sajan donnegiadas uschia las Naziuns Unidas.
