Millis d'uffants en regiuns da conflict en l'entir mund sajan ils ultims 12 mais daventads unfrendas da la guerra, ha ditg il directur per l'agid d'urgenza dad UNICEF a New York. En blers pajais vegnian uffants attatgads, mazzads, malduvrads sco scuts da protecziun vivs u recrutads sco schuldads.
Sulettamain en l'Afghanistan sajan per exempel radund 5'000 uffants vegnids mazzads u mutilads ils emprims nov mais da l'onn. En la Republica Centralafricana dovrian dus da trais uffants agid umanitar. En la Somalia sajan passa 1'800 uffants vegnids recrutads sfurzadamain sco schuldads.
RR novitads 06:00