Legenda:
Fabrica dal concern Alstom a Belfort.
Keystone
cuntegn
Exteriur - Dapli trens per salvar plazzas
Per evitar ch'ina fabrica da trens vegn serrada en la Frantscha cumpra la regenza franzosa 15 trens ad auta sveltezza en la valita d'ina mesa milliarda euros.
Cun cumprar ils 15 trens TGV vul la regenza evitar ch'il concern Alstom serra la fabrica a Belfort e che 400 plazzas van a perder. Questa mesira per salvar plazzas da lavur succeda 7 mais avant las elecziuns dal president franzos. La viafier statala SNCF ha adina puspè declerà ch'ella na dovria il mument betg quests trens.
