Legenda:
Di uffizial da malencurada
commemorar a las 400 victimas. (maletg simbolic)
Keystone
cuntegn
Exteriur - Di da malencurada en l'Iran
Il grev terratrembel da dumengia saira, en la regiun da cunfin tranter l'Iran e l'Irac ha mazzà pli che 400 persunas. Per far onur a las victimas ha la regenza iranaisa declerà il di dad oz sco di uffizial da malencurada.
La scurlattada da la fermezza 7,3 aveva chaschunà dumengia saira pli che 400 morts – la gronda part da la vart iranaisa.
Il ministeri ha exprimì sia cumpassiun per las victimas e per ses appartegnents. Plinavant ha el giavischà ina guariziun sperta ad ils millis blessads, sco che l'agentura da novitads Irna ha rapportà.
A chaschun dal di uffizial da malencurada vegn il president iranais Hassan Rohani a visitar oz il territori da terratrembel.
