Legenda:
Dapi glindesdi hai pluvì fermamain sin l'insla da las Balearas.
Keystone
cuntegn
Exteriur - Diesch persunas moran da malauras a Mallorca
Sin l'insla spagnola Mallorca moran almain diesch persunas pervi da malauras, quai rapportan las autoritads localas. Pliras vias èn inundadas, pertutgà en spezial è l'ost da l'insla.
Tranter las unfrendas sajan duas persunas da la Gronda Britannia, ha communitgà in pledader da polizia. Sis persunas vegnian anc tschertgadas.
En la vischnanca Sant Llorenz èn vias sa midadas en flums che han stgarpà cun els numerus autos. Quai è da vesair sin fotografias e videos en las raits socialas. Pliras chasas èn sut l'aua.
