-
Bild 1 von 5. Tenor indicaziuns da l'agentura da novitads Ansa sajan radund 40'000 persunas sa rimnadas a Roma. Bildquelle: Keystone.
-
Bild 2 von 5. Il papa ha appellà da far pasch en regiuns da guerra. Bildquelle: Keystone.
-
Bild 3 von 5. La guardia papala marscha avant la messa da Nadal. Bildquelle: Keystone.
-
Bild 4 von 5. A la fin dal pled ha il papa dà la benedicziun dad «Urbi et Orbi». Bildquelle: Keystone.
-
Bild 5 von 5. Millis da persunas èn sa radunadas en il Vatican per la benedicziun dad «Urbi et Orbi». Bildquelle: Keystone.
Plinavant ha el appellà per pasch en il Proxim Orient ed en il Jemen. Las differenzas tranter il carstgauns na fetschian betg donn, ellas na sajan nagin privel, mabain ina ritgezza, uschia il pontifex vinavant en ses pled avant millis da cartents avant il dom da Son Peder a Roma. La muntada universala da Nadal saja che tuts sajan fragliuns. Silsuenter ha el dà la benedicziun tradiziunala «Urbi et Orbi».
Ina vita simpla
Da Nadalnotg aveva papa Francestg deplorà la stravaganza e las inegualitads en il mund. L’uman saja daventà engurd e n’haja mai avunda, ha ditg il papa en la messa da Nadal notg a Roma. Intgins paucs vivian en abundanza, fertant che blers n’hajan betg avunda per viver. L'istorgia da Nadal mussia però ch’en la vita na quintian betg il possess e l'abundanza, mabain l'amur per il proxim e la simpladad.
RR novitads 14:00