Exteriur - Discuors davart surpassaments da l'armistizi en Siria
2 dis avant ils novs discurs da pasch per la Siria vulan represchentants dals Stadis Unids e da la Russia discutar davart cuntravenziuns cunter la pausa da cumbat.
Legenda:
Ils ministers da l'exteriur da la Russia e dals Stadis Unids, Sergei Lavrov (san.) e John Kerry.
Keystone
Per oz sajan previs inscunters a Genevra ed en la chapitala da la Jordania Amman. Quai ha ditg il minister da l'exteriur american John Kerry.
Els veglian surtut discutar davart recurs da l'opposiziun siriana. La fin da favrer avevan tranter auter ils Stadis Unids e la Russia negozià la pausa da cumbat en la Siria. Ella è per gronda part vegnida respectada.
