Il minister da l'exteriur american Kerry e il minister dal exteriur iranais Mohammed Sarif èn s’inscuntrads a Genevra tar in’ulteriura runda da discussiun davart il program d’atom dal Iran. Per l’emprima giada ha il minister d’energia american ed il schef dal program d’atom iranais prendi part als discurs.
Avant il discurs aveva Kerry admonì l’Iran da chattar ina soluziun enfin il mars u d’interrumper ils discurs. Era l’Iran ha signalisà da vulair chattar ina soluziun finala en chaussa.
Ils stadis dal vest han dapi onns sancziunà l’Iran perquai ch’i vegn supponi che l’Iran construeschia ina bumba atomara.
RR novitads 06:00