Atgnamein avess l'elecziun per il nov president a Haiti gì lieu la proxima dumengia. Pervia dal hurrican "Matthew" vegn l'elecziun spustada. Quai communitgescha l'uffizi d'elecziun a Port-au-Prince. Il nov termin vegnia dà enconuschent ils proxims dis.
Il stemprà da la categoria quatter ha fugà dapi il mardi sur il Haiti e chaschunà donns veritabels. Ina part en il sidvest dal pajais è anc adina senza contact cun il center dal Haiti.
Sper la catastrofa climatica è il Haiti è en ina crisa politica. La davosa elecziun presidiala fuva vegnida spustada pervia da rinfatschas da corrupaziun. L'anteriur president Michel Martelly ha dà giu ses uffizi il favrer passà senza avair in successur. Dapi lura regia ad interim Jocelerme Privert il pover pajais dal Haiti.
RR 22.00/fh