Legenda:
Euro sin pli bass nivel dapi 11 onns.
Reuters
cuntegn
Exteriur - Elecziuns en Grezia procuran che l'euro croda
Suenter la victoria electorala da la partida Syriza en la Grecia è l'euro crudà sin il pli bass nivel dapi 11 onns. En pajais da l'Orient nudava l'euro per part 1.10 dollars. Quai è il pli bass stan dapi il settember 2003.
La munaida communabla custava uschia bun 0,8% damain ch'anc il venderdi. Il franc svizzer è restà sut la paritad cun l'euro, 1 euro custava 98 raps.
Era la bursa a Tokio ha reagì gnervus sin la victoria da Syriza. Qua vegn temì che la partida radicala sanestra termineschia las mesiras da spargn dal pajas en la crisa.
