Legenda:
En passa 8’000 citads spagnolas è il suveran clamà a l'urna.
Keystone
cuntegn
Exteriur - Elecziuns en Spagna procuran per tensiun
En Spagna elegian passa 30 milliuns burgais dumengia ils parlaments regiunals ed ils burgamesters. Questas elecziuns che vegnan uschiglio strusch persequitads, procuran questa giada per gnervusitad.
La raschun èn las novas partidas da protesta che fan tenor las retschertgas fitg buns resultats. Las partidas da tradiziun sco quella dal primminister conservativ Mariano Rajoy e la partida socialista èn sut squitsch.
Las elecziuns che han lieu en passa 8’000 citads spagnolas, valan perquai sco impurtant barometer per las elecziuns dal parlament da l'atun.
