Legenda:
La chauma dals locomotivists tudestgs è gia la 6avla aifer ils ultims 2 onns.
Keystone
cuntegn
Exteriur - Er il traffic da persunas da la Deutsche Bahn stat airi
En Germania è la chauma dals locomotivists da la Deutsche Bahn entant er vegnida extendida sin il traffic da persunas. La chauma duai daventar la pli lunga da l’istorgia da las viafiers tudestgas.
Pertutgà è era il traffic a gronda distanza, pia er colliaziuns tranter la Svizra e la Germania. La viafier ha fixà uraris da substituziun. Tenor quels duai mintga terz tren a gronda distanza cursar.
La chauma duai cuzzar fin dumengia en damaun. Ella sa basa sin in conflict da tariffa tranter la Deutsche Bahn ed ils sindicats dals locomotivists. Qua tras vai per dapli paja e temps da lavur pli curts.
