L'entschatta da l'emna èn 32 persunas mortas tar ina attatga cun bumbas en la citad da Suruc en il sidost da la Tirchia. En ina decleraziun numna la regenza tirca per l'emprima giada l’organisaziun terroristica Stadi Islamic sco responsabla per questa attatga.
Per impedir che cumbattants dal Stadi Islamic vegnian en la Tirchia, vul la regenza ussa era construir in mir per lung dal cunfin cun la Siria.
Razzias cunter SI e PKK
La polizia tirca ha entant era fatg ina gronda razzia cunter aderents da l’organisaziun terroristica Stadi Islamic e da la partida curda PKK ch'è scumandada.
Tar la razzia en 13 provinzas haja la polizia arrestà 251 persunas suspectadas, ha infurmà la regenza. Betg cler èsi quants arrestads ch'èn commembers dal Stadi Islamic e quants da la PKK.
RR novitads 11.00 / 12:00