Exteriur - Era Marco Rubio vul daventar president american
In di suenter la democrata Hillary Clinton ha ussa era il senatur republican Marco Rubio annunzià sia candidatura per il presidi dals Stadis Unids da l’America.
Legenda:
Il senatur da Florida vul daventar successur da Barack Obama.
Keystone
Tenor medias americanas haja in cussegliader annunzià la candidatura da Rubio. Il senatur da Florida da 43 onns veglia communitgar questa saira uffizialmain sia candidatura. El è il terz candidat republican sper Rand Paul e Ted Cruz. Per ils democrats candidescha fin ussa sulet Hillary Clinton.
