En l'Ucraina da l'ost datti en adina dapli lieus cumbats tranter las truppas da la regenza ed ils separatists pro-russ. Quai annunzia l'organisaziun per segirtad e collavuraziun en l'Europa OSCE e discurra d'ina escalaziun.
Ils cumbats tranter ils separatists sustegnids da la Russia e da las truppas ucranaisas tangheschian adina pli fitg zonas abitadas. Cun augmentar il dumber d'artigliaria greva en la regiun da cumbat, cuntrafetschian omaduas varts a la cunvegna da Minsk, annunzia la OSCE cun ses 370 observaders en la regiun da conflict.
