Tar attatgas e cravals en la citad nord-irlandaisa Londonderry è ina dunna vegnida mazzada. La polizia valitescha ils sajets mortals sco act terroristic.
L'inquisiziun saja vegnida instradada, uschia las autoritads.
Ordavant avevi dà escalaziuns violentas en ina part da la citad che vala sco center dals naziunalists irlandais. Latiers hai dà sajets. Tenor rapports èn autos da polizia vegnids attatgads cun bumbas da fieu, crappa e buttiglias.
La sortida da l'UE da la Gronda Britannia ha l'ultim temps adina puspè sveglià la tema ch'il conflict tranter gruppas pro-irlandaisas e pro-birtannicas en la provinza britannica pudess puspè escalar.
RR novitads 06:00