Legenda:
Europol quinta cun dapli terror en l'Europa.
Keystone
cuntegn
Exteriur - Europol quinta cun dapli acziuns terroristicas en l'UE
Cunquai che la gruppa da terror Stadi Islamic haja pers terren en la Siria e l'Irac quintan experts ch'il privel d'attatgas en ils stadis da l'UE il proxim temp.
Tenor ils experts pudessan gia plirs tozzels extremists potenzials esser en l'Europa, scriva Europol en in rapport. Periclità il pli fitg d'attatgas saja la Frantscha. Ulteriuras miras pudessan er esser la Belgia, la Germania, l'Ollanda u la Gronda Britannia. Ils experts quintan che l'SI haja sviluppà novas tacticas per attatgas cunter il vest. I possia dar attatgas entras singulas persunas sco er entras gruppaziuns.
