Legenda:
Hans-Dietrich Genscher era in dals impurtants politichers durant la reuniun da la Germania.
Keystone
cuntegn
Exteriur - Ex-minister da l'exteriur tudestg Hans-Dietrich Genscher è mort
La notg sin venderdi è Hans-Dietrich Genscher mort en la vegliadetgna d’89 onns. L'anteriur minister da l'exteriur da la Germania saja mort suenter ch’il cor e la circulaziun han disditg, communitgescha ses biro a Bonn.
A partir dal 1974 fin il 1992, pia en tut 18 onns è Genscher stà minister da l'exteriur da la Germania. En questa funcziun è Genscher stà cumpiglià fermamain en ils discurs e las contractivas per la reuniun da la Germania.
Il politicher da la FDP valeva sco ina dals pli populars e pregnants politichers da ses temp. Dal 1974 fin il 1985 ha Genscher er presidià la FDP.
Er suenter sia retratga ord la politica activa è Genscher stedi sa participà al discurs da temas politics actuals.
