ExpoMilano 2015
Blers n'hajan betg cartì ch'i funcziuneschia, ha ditg il schef da la regenza taliana Matteo Renzi en il pled d'avertura. Ussa saja quai però realitad.
Per l'exposiziun cun il motto «nutrir il planet - energia per la vita» quintan ils responsabels cun radund 20 milliuns visitaders fin l'october.
Per il pavigliun Svizzer e Grischun cun il tema «aua» quintan ils responsabels cun 3 milliuns visitaders durant quel temp: quai èn 16'000 persunas a di.
Era Papa Franzestg ha piglià posiziun. En in messadi da video ha el punctuà ch’i dettia blers carstgauns che pateschian fom sin il mund. Ed el ha pretendì da midar la mentalitad vers il nutriment.