Exteriur - EZB lascha tschains directiv sin nivel bas da record
La Banca centrala europeica (EZB) na mida betg il tschains directiv. Ella lascha el sin il nivel bas da record da 0%. Quai ha decis il cussegl da la Banca centrala europeica a Frankfurt.
Plinavant ha la Banca decis da cumprar vinavant mintga mais vaglias per 80 milliardas euros. Quai vul ella far fin il mars da l’auter onn u uschè ditg sco necessari. L'intenziun è da promover la concessiun da credits ed uschia dar schlantsch a l'economia.
