Exteriur - Fitschen e Jain bandunan la Deutsche Bank
Ils 2 schefs da la Deutsche Bank, Jürgen Fitschen ed Anshu Jain, sa retiran. Nov schef da la banca vegn l'anteriur schef da finanzas da l'UBS, John Cryan.
Legenda:
Anshu Jain (san.) e Jürgen Fitschen (dretg) qua anc curt avant la radunanza dals acaziunaris il matg passà.
Keystone
Legenda:
John Cryan surpiglia las manitschas tar la Deutsche Bank.
Keystone
Tenor la decisiun dal cussegl da surveglianza maina Fitschen ensemen cun Cryan las fatschentas davent il fanadur. Davent dal matg 2016 è lura Cryan schef sulet.
Il duo Fitschen/Jain è succedì al svizzer Josef Ackermann. L'ultim temp èn els stads en la critica pervi d'intgins scandals, per part era en colliaziun cun chastis.
