Legenda:
Fugitivs che arrivan en l'Uniun europeica na duain betg pudair tscherner sez il pajais nua ch'i vulan ir.
Keystone
cuntegn
Exteriur - Fugitivs na duain betg pudair tscherner sez il pajais europeic
Quai pretenda il chancelier federal da l'Austria Werner Faymann. Ins stoppia reparter ils fugitivs cun basegn da protecziun directamain dals centers da distribuziun als cunfins exteriurs da l'UE sin ils singuls pajais.
Suenter che la ruta dal Balcan è vegnida serrada saja impurtant da segirar autras rutas alternativas tras la Bulgaria ubain l'Italia. Tenor Faymann stoppian ins preparar quai ussa. Avant che dapli persunas vegnian puspè vers l'Europa questa primavaira.
Plinavant ha Faymann defendì la decisiun da l'Austria da limitar il dumber da requirents d'asil sin 37'500 ad onn. Quai cunfin saja stà necessari per evitar che ses pajais saja tuttenina surdumandà.
